मुस्ताङ, १० जेठ :
उपल्लो मुस्ताङको लोमान्थाङमा १५ औं शताब्दीदेखि मनाउँदै आएको ऐतिहासिक ,धार्मिक तथा सांस्कृतिक पर्व ‘तिजी’को रौनक ।बज्रकिलया र महाकाल देवताको मुकुन्डो लगाएर लोमान्थाङस्थित छोदे गुम्बाका लामाहरुले नृत्य प्रस्तुत गर्छन । पर्वमा मुस्ताङी सांस्कृतिक राजाको दरबारबाट ३० फिट अग्लो गुरु पद्यसम्भवको लुङ्ता सबैले देख्ने गरी सार्वजनिक गरी झुन्डयाएर राखिन्छ । उपल्लो मुस्ताङको धार्मिक पूजा तिजी पछिल्लो समय पर्वको रुपमा मनाउन थालिएको हो । तिजी पर्व तीनदिनसम्म चल्नेछ । तस्बिर : सुन्दरकुमार थकाली/रासस